«Kung Fu Panda 4» protagonizará este xoves unha nova sesión do Cine de Verán de Ares.

Sabela Arredondo García | 22/07/2026 

O Ciclo de Cine de Verán de Ares continuará este xoves 23 de xullo coa proxección de «Kung Fu Panda 4», unha actividade gratuíta pensada para o público familiar dentro da programación de VeraneAres 2026.

A sesión comezará ás 22:30 horas no patio das Escolas do Lago, onde veciños e visitantes poderán gozar dunha nova entrega da coñecida saga de animación protagonizada por Po.

Organizada pola Concellaría de Cultura coa colaboración da Rede Cultural da Deputación da Coruña, a iniciativa busca ofrecer alternativas de lecer ao aire libre durante os meses de verán.

O ciclo despedirase o 13 de agosto coa proxección de «Rondallas», prevista tamén nas Escolas do Lago, aínda que nesa ocasión a sesión dará comezo ás 22:00 horas.