Máis de dez sabores de cheesecake chegan a Narón

Sabela Arredondo García| 02/09/2026

Amantes das tartas de queixo teñen unha cita esta fin de semana no Parque do Río Freixeiro, onde se celebrará do 4 ao 6 de setembro a Cheesecake Fest, un festival gastronómico itinerante con máis de dez variedades deste doce.

Receitas tradicionais e propostas con combinacións máis innovadoras formarán parte da oferta das diferentes foodtrucks instaladas no recinto durante tres días.

O festival abrirá o venres 4, de 18:00 a 00:00 horas. Durante o sábado poderá visitarse de forma ininterrompida entre as 13:00 e as 00:00 horas, mentres que o domingo permanecerá aberto de 13:00 a 23:00 horas.

Pensada como unha proposta de lecer ao aire libre, a Cheesecake Fest terá ambiente familiar e permitirá o acceso con cans, polo que as persoas asistentes poderán acudir acompañadas das súas mascotas.

A cita conta coa colaboración do Concello de Narón e desenvolverase durante toda a fin de semana no Parque do Río Freixeiro.